നിശബ്ദ രോദനം

യോഗ്യരല്ല നാം കണ്ണീർ പൊഴിക്കുവാൻ
അർഹരല്ല നാം ഒരു ദയയ്ക്കും
ലജ്ജിക്കാം....തല താഴ്ത്താം
ജന്മനാടിൻ ദുർവ്വിധി ഓർത്ത്‌

ആർക്കു നേരെ ചൂണ്ടണം ഈ വിരൽ
ആർക്കു നേരെ ഉയർത്തണം ശബ്ദം
ആരൊരാൾ ഇതിന്നുത്തരം നൽകണം
ആർക്കുമാവില്ല തേങ്ങുവാനല്ലാതെ

ഇതായിരുന്നീ ഇന്ത്യ എന്നറിഞ്ഞെങ്കിൽ
അന്ധനായി പിറന്നേനെ ഞാൻ
ഇതാണല്ലോ എൻ നാടിൻ ഗതിയെന്നു
ഓർത്ത്‌ ലജ്ജിക്കുന്നു സ്വയം ഞാൻ

നല്ലൊരു നാളെ സ്വപ്നമായ്‌ തുടരുന്നു
നല്ലൊരു ദേശവും സ്വപ്നത്തിൽ മാത്രം
കേഴുവാനാവില്ല തേങ്ങുവാനാവില്ല
തല കുനിക്കുന്നു വീണ്ടും നിനക്കായ്‌
കാമ വെറിയാൽ നാറും നാടിനായ്‌