ആധുനിക ജീവിതത്തിന്‍റെ തിരക്കുകളില്‍ നമുക്ക് അന്യമാവുന്ന നന്മയുടെ ഗുണങ്ങളില്‍ ഒന്നായി മനുഷ്യത്വം മാറിക്കഴിഞ്ഞു. മറ്റെല്ലാ ജീവജാലങ്ങളില്‍ നിന്നും മനുഷ്യന് മാത്രം ദൈവം നല്‍കിയ സവിശേഷതകളില്‍ ഏറ്റവും പ്രധാനം സ്വയം ചിന്തിക്കാനും വിവേചിക്കാനും ഉള്ള കഴിവാണ്. ഈ കഴിവാണ് മനുഷ്യനെ മനുഷ്യനാക്കുന്നതും അവനെ മനുഷ്യത്വം ഉള്ളവനാക്കുന്നതും. എന്നാല്‍, സ്വാര്‍ഥതയുടെ പടുകുഴിയില്‍ വീണുപോയ മനുഷ്യന് സഹജീവികളോടുള്ള സമീപനത്തില്‍ വ്യതിയാനം വന്നതോടെ സ്വയം സൃഷ്‌ടിച്ച കൂടിനുള്ളില്‍ ഒതുങ്ങിക്കൂടാന്‍ ശ്രമിക്കുന്ന ഇടുങ്ങിയ ചിന്താഗതിക്ക് അധീനനാവുകയും അതിലൂടെ അവന്‍റെ മനുഷ്യത്വം തന്നെ നഷ്ടമാവുകയും ചെയ്യുന്ന അവസ്ഥാന്തരത്തിന് അടിമയാവുകയുമാണുണ്ടായത്. രാഷ്ട്രീയ സാമൂഹിക സാംസ്കാരിക ആധ്യാത്മിക മേഖലകളില്‍ പോലും മനുഷ്യത്വരഹിതമായ പ്രവൃത്തികള്‍ ഇന്ന്‍ നിറഞ്ഞു നില്‍ക്കുന്നു.
മനുഷ്യത്വത്തിന്‍റെ സന്ദേശം ഉള്‍ക്കൊള്ളുന്ന പ്രവര്‍ത്തനങ്ങള്‍ വ്യക്തികളില്‍ ആരംഭിച്ച് കുടുംബങ്ങളിലൂടെ സമൂഹത്തില്‍ ഒരു പരിവര്‍ത്തനമുണ്ടാക്കാന്‍ ഇടയായാല്‍ നമ്മുടെ ജീവിതം സാര്‍ത്ഥകമാവും.
No comments:
Post a Comment