നമ്മുടെ ശാരീരികവും മാനസികവും ബൌദ്ധികവുമായ ജീവിതത്തിനു പുതിയൊരു ഉണര്‍വ്വും ഉന്മേഷവും പകരാന്‍ പുഞ്ചിരി നല്ലൊരു പങ്ക് വഹിക്കുന്നുണ്ട്. ചിരിക്കുന്നത് ദീര്‍ഘായുസ്സിനും ആരോഗ്യത്തിനും നല്ലതെന്ന് വൈദ്യശാസ്ത്രവും പറയുന്നുണ്ട്. ചില നിസ്സാര കാര്യങ്ങളുടെ മേല്‍ നമുക്കുണ്ടാവാറുള്ള വലിയ സമ്മര്‍ദ്ദങ്ങള്‍ ഒരു നറുപുഞ്ചിരിയില്‍ മായിച്ചു കളയാന്‍ സാധിക്കും. നമ്മോട് വിദ്വേഷം ഉണ്ടെന്നു നമുക്ക് തോന്നുന്ന ഒരാളെ നോക്കി ഒന്ന് പുഞ്ചിരിച്ചാല്‍ അവിടെ ഉണ്ടായിരുന്ന ഒരു മതില്‍കെട്ടിനെ വെണ്ണ പോലെ ഉരുക്കി കളയാന്‍ ഉപകാരപ്രദമായേക്കും. നമ്മെ നോക്കി ഒരാള്‍ പുഞ്ചിരിക്കുമ്പോള്‍ അവര്‍ നമുക്ക് പകര്‍ന്നു തരുന്ന ഒരു എനര്‍ജി വളരെ വലുതാണ്‌.
ഭയപ്പാടോടെ ആരംഭിക്കയും വേദനയോടെ അവസാനിക്കയും ചെയ്യുന്ന വളരെ നൈമിഷികമായ യാത്രയുടെ വിസ്മയങ്ങള്‍ നിറഞ്ഞ ജീവിതത്തില്‍, സുഖ സന്തോഷങ്ങളെ മാത്രമല്ല; ദുഃഖ വിലാപങ്ങളെ കൂടി പുഞ്ചിരിയോടെ അഭിമുഖീകരിക്കാന്‍ കഴിഞ്ഞാല്‍ അര്‍ത്ഥപൂര്‍ണ്ണമായ ഒരു നിര്‍വൃതി അനുഭവവേദ്യമാകും.
നമ്മുടെ പ്രശ്നങ്ങള്‍ക്കും പരിഹാരമാവാന്‍ പുഞ്ചിരി നമ്മെ സഹായിക്കുമ്പോള്‍ പ്രശ്നങ്ങളില്‍ അകപ്പെടാതെ സംരക്ഷിക്കുന്ന ഒന്നിനെ കുറിച്ച് നാളെ ചിന്തിക്കാം.
No comments:
Post a Comment