വേറൊരു വിധത്തില്‍ പറഞ്ഞാല്‍, നിയന്ത്രണത്തില്‍ ജീവിക്കുന്നവന് അല്പം സ്വാതന്ത്ര്യം ലഭിക്കുമ്പോള്‍ അവന്‍ അതിനെ ദുര്‍വിനിയോഗം ചെയ്യുന്നു, എന്തിനും സ്വാതന്ത്ര്യം ഉള്ളവന് അത് എങ്ങനെ വിനിയോഗിക്കണം എന്നറിയില്ല.
നന്മ തിന്മകളെ തിരിച്ചറിഞ്ഞു നല്ലതും മുന്നേറാന്‍ ആവശ്യവുമായതിനെ മാത്രം തെരഞ്ഞെടുത്ത് പോകാനുള്ള വിവേചന ബുദ്ധി നഷ്ടപ്പെടുന്നതാണ് ഇതിനു മുഖ്യകാരണം. നൈമിഷികങ്ങളായ സുഖങ്ങള്‍ മാത്രമാണ് അവന്‍റെ ലക്‌ഷ്യം.
മാധ്യമങ്ങളുടെയും വിവര സാങ്കേതിക വിദ്യയുടെയും അതിപ്രസരം ഇതിനൊരു കാരണമാണോ....? എന്തുകൊണ്ട് നല്ല കാര്യങ്ങള്‍ക്ക് വേണ്ടി മാത്രം ഈ സൌകര്യങ്ങള്‍ ഉപയോഗിക്കാന്‍ നമ്മുടെ തലമുറ മറക്കുന്നു....? ഉത്തരം കണ്ടെത്തേണ്ടത് നാം ഓരോരുത്തരുടെയും കടമയാണ്.
No comments:
Post a Comment