നാമെല്ലാം എപ്പോഴും ഓരോരോ തീരുമാനങ്ങള്‍ എടുക്കുന്നവരാണ്. പ്രത്യേകിച്ച്, പിറന്നാള്‍, പുതുവര്‍ഷം തുടങ്ങിയ വിശേഷദിനങ്ങള്‍ ഇത്തരം പല പുതിയ തീരുമാനങ്ങള്‍ക്കും വേദിയാകാറുണ്ട്. പക്ഷെ നാമെടുക്കുന്ന ചില തീരുമാനങ്ങള്‍ നാം പാലിക്കാന്‍ ശ്രദ്ധ കൊടുക്കാറുണ്ടെങ്കിലും നല്ലൊരു പരിധിവരെ പാലിക്കുന്നതില്‍ പരാജയപ്പെടുകയാണ് ഉണ്ടാവുക. കടുത്ത തീരുമാനങ്ങള്‍ അല്ലെങ്കില്‍ കഴിവിനപ്പുരത്തുള്ള തീരുമാനങ്ങള്‍ എടുക്കുന്നതാണ് ഈ അവസ്ഥയ്ക്ക് കാരണം. നമ്മുടെ തീരുമാനങ്ങള്‍ മറ്റുള്ളവരെ വിശ്വസിപ്പിക്കാന്‍ അല്ലാതെ സ്വയം തോന്നി എടുക്കുന്നതാണെങ്കില്‍ അത് പ്രവര്‍ത്തി പഥത്തിലെത്തിക്കാന്‍ ഒരു പരിധി വരെ സാധിക്കും. തീരുമാനങ്ങള്‍ ഒരു ബാധ്യതയോ സ്വയ നിയന്ത്രിത രേഖയോ ആയി തോന്നിയാല്‍ അതൊരു തീരുമാനമെന്ന് ഒരിക്കലും അവകാശപ്പെടാന്‍ കഴിയില്ല.
ചിലപ്പോള്‍ വ്യക്തമായൊരു തീരുമാനം എടുക്കാന്‍ കഴിയാതെ മനസ്സ് പതറുന്നതും സാധാരണമാണ്. ആലോചിക്കാതെ എടുത്തു ചാടി പെട്ടെന്ന് തീരുമാനം എടുക്കുന്നവരും ഉണ്ട്. എന്നാല്‍ ഇത്തരം എടുത്തുചാട്ടക്കാര്‍ പിന്നീട് ദുഖിക്കേണ്ടി വരുന്നതാണ് കൂടുതല്‍ അനുഭവങ്ങള്‍ തെളിയിച്ചിട്ടുള്ളത്.
നാമെടുക്കുന്ന തീരുമാനങ്ങള്‍ ബാധ്യതകള്‍ ആവാതെ, നിയന്ത്രണ രേഖയാവാതെ സ്വയ ബോധപൂര്‍വ്വം ആവാന്‍ ശ്രമിക്കാം. ഒപ്പം വ്യക്തമായി ആലോചിച്ചു നല്ലതെന്ന് മനസ്സിലാക്കിയ ശേഷവും.
No comments:
Post a Comment